Çështja “Tahiri, vasili thumbon ambasadorin Lu: Pse duhet të presim janarin për të goditur “peshqit”?

Kryetar i grupit parlamentar të LSI, Petrit Vasili, i ftuar në studion e Report Tv është shprehur se ambasadori amerikan, Donald Lu duhet të mbante një qëndrim të qartë për çështjen Tahiri. Vasili tha se Lu duhet t’i kishte kërkuar maxhorancës heqjen e imunitetit të ish-ministrit të Brendshëm.

“Lu duhet të kishte mbajtur një qëndrim të qartë t’i kërkonte maxhorancës heqjes së imunitetit për ish-ministrin. Lu duhet të ishte më i drejtpërdrejtë. Pse duhet të presim janarin për të goditur “peshqit”, bosët e krimit. Ç’të presim? Nga do ta presim?”, ishin këto fjalët e kreut të Grupit Parlamentar të LSI-së, Petrit Vasili.